Kennarar 2010-2011

Anna Kjartansdóttir
Brynhildur Ásgeirsdóttir
Guðmundur Kristmundsson
Gyða Þ. Halldórsdóttir
Helga Steinunn Torfadóttir
Jón Sigurðsson
Kristinn Örn Kristinsson
Lilja Hjaltadóttir
Pawel Panasuik
Svava Bernharðsdóttir
Örnólfur Kristjánsson
Þórdís Stross

Símaskrá starfsfólks

Allegro Suzukitónlistarskóli
Tranavogi 5
104 Reykjavík
Sími 588 6200
allegro@allegro.is
www.allegro.is

Anna Kjartansdóttir píanókennari hóf nám hjá Soffíu Guðmundsdóttur á Akureyri. Hún lauk tónmenntkennaraprófi frá Tónlistarskólanum í Reykjavík og hefur sótt einkatíma í píanóleik hjá Ragnari H. Ragnar á Ísafirði og prof. Arthur Feldt Husen í Odense í Danmörku.

Brynhildur Ásgeirsdóttir píanókennari lauk kennara- og burtfararprófi frá Tónlistarskólanum í Reykjavík 1986 undir leiðsögn Jónasar Ingimundarsonar og stundaði framhaldsnám í Hollandi til 1990. Hún hefur sótt tíma í semballeik hjá Helgu Ingólfsdóttur og Guðrúnu Óskarsdóttur og ljóðameðleik hjá Gerrit Schuil við Söngskóla Sigurðar Demetz. Brynhildur er einnig söngmenntuð og hefur unnið mikið með kórum. Hún lauk B.Ed. frá KHÍ með tónmennt sem sérgrein 1993 og fjallaði lokaverkefni hennar um lestur og nótnalestur. Brynhildur hefur langa reynslu af kennslu í píanóleik og tónfræðagreinum, meðleik með söng og hljóðfæraleik auk námskeiða fyrir börn á leikskólum. Kristinn Örn Kristinsson hefur verið leiðbeinandi hennar í móðurmálsaðferðinni. Jafnframt kennslu er hún einnig móðir barns í Suzukitónlistarnámi

Jón Sigurðsson, meðleikari lauk prófi frá Tónlistarskólanum í Reykjavík og stundaði síðan framhaldsnám í Þýskalandi og í Bandaríkjunum. Hann hefur starfað sem meðleikari við Allegro -Suzuki skólann í nokkur ár.

Svava Bernharðsdóttir víóla, hljómsveit og kammermúsík. Svava lærði hjá Gígju Jóhannsdóttur, John Kendall og Rut Ingólfsdóttur á fiðlu og lauk fiðlukennaraprófi og burtfararprófi í víóluleik frá Tónlistarskólanum í Reykjavík 1982. Svava stundaði framhaldsnám í Hollandi og í Julliard skólanum í New York og lauk þar doktorsprófi 1987. Þá tók við dvöl í Basel í Sviss, þar sem Svava sérhæfði sig í leik á upprunaleg hljóðfæri. Árið 1994 flutti Svava til Slóveníu og þar starfaði hún við Slóvensku Fílharmóníuna ásamt því að kenna við Tónlistarháskólann og víðar. Svava hefur starfað hér heima frá haustinu 2006.

Guðmundur Kristmundsson, víóluleikari og fiðlukennari lauk einleikaraprófi frá Tónlistarskólanum í Reykjavík 1986 og UM prófi frá Brabantsconservatorium de Tilburg í Hollandi 1990. Hann hefur komið fram víða um heim sem félagi í Bernardel kvartettinum, EÞOS kvartettinum og kammerhópnum Cammerarctica. Guðmundur kennir við Tónlistarskólann í Reykjavík hefur verið fastráðinn við Sinfóníuhljómsveit Íslands frá 1990. Hann hefur komið fram sem einleikari með hljómsveitinni. Guðmundur fékk úthlutað starfslaunum listmanna 2000 - 02.

Guðnýu Guðmundsdóttur, fiðluleikara og konsertmeistara SÍ þarf vart að kynna. Auk starfa hjá sinfóníunni og umfangsmikils tónleikahalds bæði hérlendis og erlendis hefur hún um árabil kennt fiðluleikurum framtíðarinnar af miklum metnaði, bæði við Tónlistarskólann í Reykjavík og Listaháskóla Íslands.

Gyða Þ. Halldórsdótti lauk 8. stigi á orgel, píanó og í söng (Associated Board) frá Tónlistarskólanum á Akureyri. Nám við Tónlistarháskólann í Hannover 1979-80 og Tónlistaháskólann í Vín 1982-87. Próf 1986 (orgel) og 1987 (söngur, kórstjórn). Hefur leyfisbréf Menntamálaráðuneytis sem grunn- og framhaldskólakennari. Gyða hefur sótt fjölda námskeiða varðandi tónlistarkennslu ungra barna (Kodály, Orff o. fl.) og unnið þróunarverkefni “Tónlist í leikskóla”. Hóf réttindanám Suzukikennara 1998 og hefur lokið þremur stigum Suzukikennara á píanó og einu stigi í Suzukikennslu ungra barna (ECE). Móðir tveggja Suzukinemenda í 12 ár.

Helga Steinunn Torfadóttir er fædd 1969. Hún hóf sitt fiðlunám 9 ára gömul. Hún lærði hjá Lilju Hjaltadóttur við Tónlistarskólann á Akureyri 1985-90. Var nemandi Bryndísar Pálsdóttur og Guðnýjar Guðmundsdóttur konsertmeistara við Tónlistarskólann í Reykjavík 1990-95 þar sem hún lauk bæði Burtfarar og Kennaraprófi. Var við nám 1995-98 hjá Elisabeth Zeuthen Schneider dósent við Konunglega Konservatoríið í Kaupmannahöfn. Hún hefur lært Suzuki-kennslufræði undir handleiðslu Tove Detreköy, Lilju Hjaltadóttur og Jaenne Jansens. Hún hlaut 4.stig árið 2007. Helga Steinunn hefur kennt á fiðlu síðan 1992 á Íslandi og í Danmörku.Hún hefur verið virk í tónlistarlífinu. Hún hefur m.a leikið í Sinfóníhljómsveit Íslands og Hljómsveit Íslensku Óperunnar.

Pawel Panasuik (í leyfi), sellókennari er fæddur í Póllandi og stundaði nám við Chopin- Akademíuna í Varsjá og lauk þaðan meistaraprófi í sellóleik. Hann stundaði framhaldsnám við Trinity College of Music í London og lauk þaðan Postgraduate Diploma. Pawel hefur leikið með fjölda hljómsveita og í margvíslegum kammerhópum í ýmsum löndum, m.a. í Póllandi, Þyskalandi, Frakklandi, Kúwait, Japan og Bretlandi. Frá árinu 1999 hefur Pawel buið á Íslandi. Pawel hefur spílað marga tónleika m.a. í Salnum í Listahátíðinni á Akureyri og í Mývatn, Lístasafni Sigurjóns Ólafssonar og víðar um landíð.

Þórdís Stross lauk fiðlukennaraprófi frá Tónlistarskólanum í Reykjavík 1985 og var síðan við framhaldsnám í Þýskalandi. Frá 1990 hefur hún starfað hér heima og verið fastráðinn fiðluleikari í Sinfóníuhljómsveit Íslands ásamt því að stunda fiðlukennslu. Eftir að hafa kynnst Suzuki-aðferðinni sem móðir hóf hún árið 1998 nám í Suzuki-kennslufræðum og hefur síðan eingöngu kennt samkvæmt Suzuki-aðferðinni. Undir handleiðslu Lilju Hjaltadóttur lauk Þórdís tveimur stigum en seinni þremur stigunum lauk hún undir handleiðslu Jeanne Janssens frá Belgíu og tók 5. og síðasta stigið í janúar 2007. Þórdís er einn af stofnendum Allegro-Suzukitónlistarskólans og hefur verið kennari við hann frá upphafi.

Kristinn Örn Kristinsson píanókennari og skólastjóri hlaut tónlistarmenntun sína á Akureyri, í Reykjavík og í Bandaríkjunum. Hann hefur réttindi til að þjálfa Suzukikennara, hefur setið í stjórn Íslenska og Evrópska Suzukisambandsins. Hann hefur ritað bók um Suzuki tónlistaruppeldi. Kristinn er einnig meðleikari við Söngskólann í Reykjavík, gegndi um skeið starfi skólastjóra við Tónskóla Þjóðkirkjunnar. Hann hefur reglulega komið fram í tónleikum og leikið inn á hljómdiska.

Örnólfur Kristjánsson lærði á selló í Reykjavík og í New York. Hann hefur verið mjög virkur í tónlistalífinu og tekið þátt í öllum mögulegum og ómögulegum tónlistaruppákomum . Hann hefur verið leiðandi sellóleikari í Hljómsveit Íslensku Óperunnar og Sinfóníuhljómsveit Norðurlands svo eitthvað sé nefnt. Hann hefur leikið inn á fjölmarga geisladiska.

Lilja Hjaltadóttir fiðlukennari og aðstoðarskólastjóri hefur tvímælalaust lengstu og mestu reynslu af Suzukikennslu á Íslandi. Lilja lauk og fiðlukennaraprófi frá Tónlistarskólanum í Reykjavík árið 1978. Lilja fór til framhaldsnáms í Bandaríkjunum í fiðluleik og kennslufræði við Southern Illinois University í Edwardsville. Þar lauk hún Meistaraprófi (M. Mus) 1981 með höfuðáherslu á Suzuki-kennslufræði, en aðalkennari hennar þar var John Kendall, einn af frumkvöðlum Suzukikennslu í Bandaríkjunum.