Nemendur Allegro í úrslit!

Fyrri umferð píanókeppni Íslandsdeildar Epta fór fram í Salnum í Kópavogi síðastliðinn miðvikudag og fimmtudag. Keppnin ætluð píanónemendum 25 ára og yngri og er henni skipt upp í þrjá flokka; 1. flokkur 14 ára og yngri, 2. flokkur 18 ára og yngri og 3. flokkur 25 ára og yngri.

Um 40 nemendur víðsvegar að af landinu tóku þátt, og þar á meðal voru tveir keppendur úr Allegro, þeir Emil Draupnir Baldursson og Þórður Arnar Árnason. Það er skemmst frá að segja að báðir komust þeir áfram í úrslitakeppnina, sem fram fer laugardaginn 7. nóvember og hefst kl. 10.00 í Salnum í Kópavogi. Aðgangur er ókeypis fyrir nemendur að fylgjast með en aðrir greiða 1000 kr.fyrir heilan dag eða 500 kr. fyrir hálfan dag. Við hvetjum að sjálfsögðu okkar fólk til að mæta og hvetja drengina! Athugið að aðeins má ganga inn og út úr Salnum þegar klappað er eftir að keppni hefst, og ekki klappað á milli verka. Nánari upplýsingar á epta.is