Starfsfólkið okkar


Anela Bakraqi, píanó, aðstoðarskólastjóri

Anela hóf píanónám sitt átta ára gömul í Tónmenntaskólanum í Reykjavík hjá Áslaugu Guðmundsdóttur.  Árið 2009 byrjaði hún í Tónlistarskólanum í Reykjavík hjá Peter Máté og kláraði burtfararpróf vorið 2015. Síðan lauk hún B.Mus.Ed gráðu í hljóðfærakennslu við Listaháskóla Íslands undir handleiðslu Kristins Arnar Kristinssonar árið 2018 ásamt fyrsta hluta náms í Suzuki píanókennslu. Sama ár hóf hún meistara nám í klassískum píanóleik í Svíþjóð, Musikhögskolan i Malmö undir handleiðslu Hans Pålsson. Þar kláraði hún master í píanóleik vorið 2020, einnig diplóma gráðu vorið 2021. Samhliða náminu í Sviþjóð hefur Anela unnið sem píanókennari í virtum tónlistarskóla í Lundi, LIMUS Musikskola og í Malmö Musikskola. Anela hefur tekið þátt í mörgum verkefnum bæði á Íslandi og í Svíþjóð, til að mynda Caput tónlistarhópnum, Strengjasveitum Listaháskóla Íslands og Tónlistarskólans í Reykjavík, Sinfóníuhljómsveit unga fólksins, Ungsveit Sinfóníuhljómsveitar Íslands og í barnóperu með Óp-hópnum, sinfóníuhljómsveit Malmö Musikhögskolans og í óperunni Ned Rorem Robbers í Malmö. Hún hefur einnig frumflutt verk eftir Eli Tausen á Lava

Brynhildur Ásgeirsdóttir, píanó

Brynhildur Ásgeirsdóttir hefur kennt við Allegro Suzukitónlistarskólann frá árinu 2008. Hún er með öll réttindastig til kennslu samkvæmt Suzukiaðferðinni, og hefur hlotið þjálfun hjá Kristni Erni Kristinssyni, Lola Tavor í Sviss og Kasia Borowiak í Englandi. Hún starfar í dag við Allegro Suzukitónlistarskólann og í Tónlistarskóla Kópavogs og kennir alfarið samkvæmt móðurmálsaðferð Suzuki.

Hún lauk kennara-og burtfarapróf í píanóleik frá Tónlistarskólanum í Reykjavík og stundaði framhaldsnám í Hollandi. Auk þess er hún með B.Ed gráðu í kennslufræði frá Kennaraháskóla Íslands. Hún hefur víðtæka reynsu af meðleik, með hljóðfæraleik og söng og með kórum. Hún er móðir þriggja barna sem öll hafa lagt stund á hljóðfæraleik samkvæmt móðurmálsaðferð Suzuki.

Guðmundur Kristmundsson, fiðla, víóla

Guðmundur Kristmundsson víóluleikari og fiðlukennari lauk einleikaraprófi frá Tónlistarskólanum í Reykjavík 1986 og UM prófi frá Brabantsconservatorium de Tilburg í Hollandi 1990. Hann hefur komið fram víða um heim sem félagi í Bernardel kvartettinum, EÞOS kvartettinum og kammerhópnum Cammerarctica. Guðmundur kennir við Tónlistarskólann í Reykjavík hefur verið fastráðinn við Sinfóníuhljómsveit Íslands frá 1990. Hann hefur komið fram sem einleikari með hljómsveitinni. Guðmundur fékk úthlutað starfslaunum listamanna 2000 - 2002.

Kristinn Örn Kristinsson, píanó

Kristinn Örn Kristinsson píanókennari og skólastjóri hlaut tónlistarmenntun sína á Akureyri, í Reykjavík og í Bandaríkjunum. Hann hefur réttindi til að þjálfa Suzukikennara, hefur setið í stjórn Íslenska og Evrópska Suzukisambandsins. Hann hefur ritað bók um Suzuki tónlistaruppeldi og hefur kennt á námskeiðum víða erlendis og þálfað og prófdæmt kennara. Kristinn hefur einnig verið meðleikari við Söngskólann í Reykjavík, skólastjóri við Tónskóla Þjóðkirkjunnar og kennt við Menntaskóla í tónlist og Listaháskóla íslands. Hann hefur reglulega komið fram í tónleikum og leikið inn á hljómdiska. 

Lilja Hjaltadóttir, fiðla

Lilja hefur verið skólastjórnandi og fiðlukennari við Allegro skólann frá upphafi og hefur mikla reynslu af að kenna nemendum á öllum stigum Suzuki námsins. Hún hefur kennt um alla Evrópu og er eftirsóttur kennari. Hún menntaði sig í fræðunum við Southern Illinois University hjá John Kendall og lauk þar masters gráðu.

Hún hefur séð um Suzuki kennaramenntun á Íslandi og víðar í Evrópu síðan 1990 og hafa flestir íslensku Suzukifiðlulennararnir notið hennar handleiðslu.

Lilja spilaði um árabil með Sinfóníuhljómsveit Íslands, Kammersveit Reykjavíkur og Bach sveitinni í Skálholti.

Hún á 3 uppkomin börn og 5 barnabörn svo ávallt líf og fjör í hennar lífi!

Gróa Margrét Valdimarsdóttir, fiðla, skólastjóri

Gróa Margrét Valdimarsdóttir fiðluleikari og fiðlukennari, lauk B. Mus gráðu í fiðluleik frá Listaháskóla Íslands árið 2006 undir leiðsögn Auðar Hafsteinsdóttur. Að loknu námi í Listaháskólanum fór hún til Þýskalands og síðan til Bandaríkjanna þar sem hún kláraði M.Mus gráðu í fiðluleik frá University of Illinois undir handleiðslu Sigurbjörns Bernharðssonar. Þá stundaði hún nám við The Hartt School hjá Anton Miller og útskrifaðist árið 2011 með Graduate Professional Diploma og Artist Diploma vorið 2013. Gróa Margrét hefur lokið 5. stigi í Suzukikennararéttindanámi. Gróa hefur mikinn áhuga á flutningi barokktónlistar og er meðlimur í Barokksveitinni Brák og leikur einnig með Sinfóníuhljómsveit Íslands og Sinfóníuhljómsveit Norðurlands.

Anna Þórhildur Gunnarsdóttir, píanó

Píanistinn Anna Þórhildur Gunnarsdóttir leggur áherslu á nýstárlega og þverfaglega nálgun í flutningi sínum á klassískri tónlist. Í tvígang komst hún í úrslit nýsköpunarkeppni Tónlistarháskólans í Maastricht, AIM – Award for Innovation in Music. Á ferlinum hefur Anna hlotið ýmsa styrki, m.a. úr Minningarsjóði Heimis Klemenzsonar og Henrïette Hustinx-hvatningarverðlaunin, en þau eru veitt útskriftarnemum frá Tónlistarháskólanum í Maastricht sem þykja skara fram úr á sínu sviði. Haustið 2025 flutti hún Rhapsody in Blue ásamt Ungfóníunni í Langholtskirkju og Reykholtskirkju í Borgarfirði. 

Anna lauk B.Mus gráðu í píanóeinleik frá Listaháskóla Íslands, undir leiðsögn Peters Máté og Eddu Erlendsdóttur. Sumarið 2022 lauk Anna mastersnámi í píanóeinleik við Conservatorium Maastricht hjá prof. Katia Veekmans.

Í dag starfar Anna sem píanókennari við Tónlistarskóla Hafnarfjarðar, ásamt kennslunni leggur hún stund á meistaranám í umhverfis- og auðlindafræði.

Vigdís Garðarsdóttir, tónfræði

Vigdís stundaði nám við Tónlistarskóla Eyfjarðar og Akureyrar frá barnsaldri og útskrifaðist sem tónmenntakennari frá Tónlistarskóla Reykjavíkur árið 2000. Hún hefur starfað sem tónmenntakennari og almennur kennari á Flateyri, Akureyri, Sólheimum í Grímsnesi og í vesturbæ Reykjavíkur. Hún hóf störf sem tónfræðikennari við Allegro haustið 2020. 

Guðný Charlotta Harðardóttir, Píanó

Guðný Charlotta Harðardóttir hóf sína tónlistarmenntun 6 ára gömul við Tónlistarskólann í Vestmannaeyjum. Eftir að hafa stundað nám þar til 19 ára aldurs tók við nám við Tónlistarskólann í Garðabæ þar sem hún kláraði framhaldsprófið í píanóleik. Við tók þriggja ára háskólanám á hljóðfærakennslubraut við Listaháskóla Íslands. Guðný Charlotta hefur nú lokið við meistaranám við Konunglega tónlistarháskólann í Árósum með hæstu einkunn, þar sem hún stundaði nám frá haustinu 2020. Guðný hefur flutt mörg af einleiksverkum tónlistarsögunnar en hefur lagt mikla áherslu á kammertónlist og meðleik með söngvurum. Ásamt því að hafa stundað samspil, þá hefur Guðný tekið virkan þátt í flutningi íslenskra nútímaverka. Ásamt því að hafa stundað nám í Danmörku, hefur Guðný komið fram á tónleikum í Finnlandi, Svíþjóð, Færeyjum og á Ítalíu. Guðný Charlotta hefur staðið sjálf fyrir nokkrum tónleikum og má þar nefna tónleika sem tileinkaðir voru lögum Sigfúsar Halldórssonar og tónleikar með norrænu ívafi með dönsku sópransöngkonunni Cecilie Bang í fyrra sumar. Einnig má nefna flutning hennar ásamt Trillutríóinu á útsetningum Atla Heimis Sveinssonar og lögum frá Vestmannaeyjum. Guðný Charlotta hefur hlotið nokkra styrki og viðurkenningar og má þar helst nefna Halldór Hansen styrkinn sem henni var veittur árið 2020 og menningarstyrki frá SASS ásamt því að hafa verið valin Bæjarlistarmaður Vestmannaeyja 2021. Undanfarin misseri hefur Guðný verið virkur flytjandi með kammersveitum erlendis og má þar nefna nokkur verkefni með Aarhus Kammerorkester frá Danmörku. Einnig má nefna að hún var tónlistarstjóri í uppfærslu Söngskóla Sigurðar Demetz á óperunni “Töfraflautunni” eftir W.A.Mozart. Ásamt því að vera virkur tónlistarflytjandi, vinnur Guðný við kennslu og meðleik í Tónlistarskóla Garðabæjar.

Hrefna Berg Pétursdóttir, fiðla

Hrefna Berg Pétursdóttir hóf fiðlunám sitt við Tónlistarskólann á Akranesi 7 ára gömul. Hún lauk framhaldsprófi frá skólanum vorið 2020 og haustið sama ár lá leiðin í Listaháskóla Íslands þar sem hún stundaði nám í klassískum fiðluleik undir handleiðslu Auðar Hafsteinsdóttur. Haustið 2023 hóf Hrefna meistaranám í klassískum fiðluleik við konunglega tónlistarháskólann í Árósum. Þar lærði hún í tvö ár hjá Professor Mo Yi og Nicolas Sublet. 


Hrefna hefur leikið með hinum ýmsu kammerhópum og hljómsveitum. Má þar nefna Þjóðlagasveit Tónlistarskólans á Akranesi, Íslenska strengi, Sinfóníuhljómsveit Tónlistarskólanna, Sinfóníuhljómsveit unga fólksins, Ungsveit Sinfóníuhljómsveitar Íslands, SinfoniaNord og Sinfóníuhljómsveit Íslands.


Í Danmörku lék Hrefna með Sinfóníuhljómsveit Álaborgar, Randers kammerorkester, Sinfóníuhljómsveit suður-Jótlands og Sinfóníuhljómsveitinni í Árósum þar sem hún gegndi aukamannastöðu. Þá spilaði hún í efnilegum strengjakvartett sem spilaði meðal annars á tónleikaröð sem kallast Fremtidens stjerner, Aarhus kammermusik festival og á Haydn Festival í Kaupmannahöfn ásamt fleiri tónleikum.


Hrefna hefur sótt ýmis námskeið, leikið á tónlistarhátíðum og tekið þátt í fjölda verkefna af ýmsu tagi með fjölbreyttum hópi listamanna.